నాకు మనసుంది

నాలోని నన్ను చంపేసిన నిన్ను
మళ్లీ ఈరోజు చూసాను
నా సమాధిపై కూర్చొని
నీ రాకుమారికి పల్లకి సిద్దం చేస్తున్నావా ?
నీ పెళ్ళిలో వాడే ప్రతి పువ్వు
నా సమాధిపై పూచిందే అని మరువకు
నేను లేనని ఇక రానని బహుసా
నీ కన్నులు
వెలిగి పోతున్నాయేమో ...!
మరువకు
నాకు మనసుంది
కాబట్టే నన్ను చంపుకుని
నిన్ను వదిలేసాను
@Lakshmi

A Women's Suicide Note

మధ్యాహ్నం నుండి ఆకాశానికి ఆవేదన ఎక్కువై ఏడుపు రూపంలో భూమాతకు
ఏకరువు పెడుతుంది
వసారాలో కూర్చొని ఇంటిలోకి చూస్తున్నా ...
చీకటి పడడం వల్ల తన టైం నడుస్తుందని చిన్న దీపం చీకట్లో ఆడుతుంది.
గాలికి పైన కప్పు కొంచెం చెదిరి వాన నీళ్ళు అక్కడక్కడ ఇంట్లో పడుతున్నాయి
ఇదంతా తెలియని నా రెండు నెలల పాప ఊయలలో నిద్ర పోతుంది.
నిన్నటి రోజు రేపటికి పాఠం అనుకుని దానికి ప్రాణం పొసా
కాని
నా గతం నా పాప రేపటి వాకిలిని మూసేయ్యకూడదు.
గానుగకు కట్టిన ఎద్దుకైన కునుకు పాటుకు కరునిస్తారేమో గాని
ఆడదాని జన్మకు ఆ కనికరం దక్కదు.
నన్ను చూసి నా పాప భవిష్యత్తు చీకటి కాకూడదు
.
నా ఆఖరి ఉదయం నేను చూసేసాను .
నా బిడ్డ మొఖం తనివి తీరా చూసేసాను
నా చివరి కన్నీటి బొట్టు నేలకు జారింది.
.
వేళ్ళు వెంట తెచ్చుకున్న విషాన్ని సున్నితంగా తాకాయి.
చెమర్చిన కళ్ళు ఇంకా ఎదురుచూడలేక పోతున్నాయి
మారు మూల బ్రతుకు పూరిపాక లోనే పురుగు పట్టి పోబోతోంది .
కనీసం నా బిడ్డకు బిడ్డగా పుట్టినప్పుడైనా రాత మారిపోతే చాలు.
ఈ క్షణమే నాది మరు క్షణం కావాలనుకున్నా పొందలేను.
వారం నుండి వాయిదా వేస్తున్నాఈరోజుని .
చేతి వేళ్ళు సీసాను నోటి దగ్గరకు మోసుకోస్తున్నాయి.
ఇంకెంత దూరం , కేవలం బ్రతుక్కి చావుకి ఉన్నంత దూరం
సీసా పైకెత్తి నోట్లో పోసుకోబోయా
హోరు గాలికి దీపం ప్రాణం పోయింది
నా బిడ్డ ఏడుపుకి నా చేతిలోని సీసా వాన పాలయ్యింది
కళ్ళలోంచి నీళ్ళు కాలువలు గట్టాయి.
జీవితం నాపై కనికరించలేదని
నా బిడ్డను నేను అనాధను చెయ్యబోయాను.
అక్కున చేర్చుకుని ఆదరించాల్సిన నేనే
పొత్తిళ్ళలో పసికందుని పాలకోసం ఏడిపించ బోయాను
నాకెవరు లేక పోవచ్చు .... నా బిడ్డకు నేనున్నాను
నా బిడ్డ కోసం నేనుంటాను
బ్రతికుంటాను

ఇట్లు
Lakshmi

Save Water

రాబందులు
రెక్కలు విదులిస్తున్నాయి
గుంట నక్కలు
గొంతులను సరిచేసుకున్తున్నాయి
మనకెందుకులే అనుకున్న గుడ్లగూబలు
కళ్ళు మూసుకున్నాయి
కనిపించినంత మేర ఇసుక
తెరలు తెరలు గా లేచి ఆడుతుంది
నీళ్ళు లేక ఎండిన గడ్డి మొక్క
కన్నీళ్ళతో ప్రాణం పోసుకోవాలని ప్రయత్నిస్తుంది
పనికిరాని ప్లాస్టిక్ మొక్క యువరాజు ఇంటినెక్కి కూర్చుంది.
కనిపించి కనిపించని ఎండమావి రేపటి కోసం ఆశ కలిగిస్తుంది
కళ్ళలో నుండి జారుతున్న చినుకులు కంటి రెప్పలు కూడా దాటకుండా ఆవిరవుతున్నాయి
వచ్చిపోయే వాన మబ్బులు చుట్టపు చూపుతోనే సరిపెడుతున్నాయి.
నాన్న నాటిన వేప మొక్క ఇక జీవించలేనని ఎండుటాకులని ఇంటి ముందు రాల్చింది
ఎప్పుడు చూసినా పుడమి తల్లి దాహంతో దీనంగా చూస్తుంది.
ఇది చూసి
ఎరుపెక్కిన ఆకాశం ఏడ్చినా సరే ఏడుకోట్ల జీవరాసుల జీవితాలు నిలబడతాయి.
@Lakshmi

వేచివున్న తలపులు

నాకోసం వస్తావని ఆశించి నన్నొదిలి వెళ్తున్నా సంతోషంగా సాగనంపా
కలిసొచ్చే కాలం కోసం కళ్ళు మూయకుండా ఎదురుచుసా
మనసిచ్చినోడితో మనువుకోసం మనసార వేచి చూసా
మనవాడే కదా అని మది నిండా నింపుకున్నా
మాఘమాసం వచ్చేసరికి మంచి పట్టు చీర కోసం డబ్బులు దాచా
మరో ఘడియలో వస్తాడనగా తలపులతో నిండిన కళ్ళతో వాకిలిలో ఎదురుచూసా
కరుణించాడు ..... నన్ను కాదు మరో కాంతను
తన ఇల్లాలిగా కరుణించాడు
వేచివున్న తలపులు వాకిటి తలుపులలోనే వేలాడుతూ ఉరి వేసుకున్నాయి