వేచివున్న తలపులు

నాకోసం వస్తావని ఆశించి నన్నొదిలి వెళ్తున్నా సంతోషంగా సాగనంపా
కలిసొచ్చే కాలం కోసం కళ్ళు మూయకుండా ఎదురుచుసా
మనసిచ్చినోడితో మనువుకోసం మనసార వేచి చూసా
మనవాడే కదా అని మది నిండా నింపుకున్నా
మాఘమాసం వచ్చేసరికి మంచి పట్టు చీర కోసం డబ్బులు దాచా
మరో ఘడియలో వస్తాడనగా తలపులతో నిండిన కళ్ళతో వాకిలిలో ఎదురుచూసా
కరుణించాడు ..... నన్ను కాదు మరో కాంతను
తన ఇల్లాలిగా కరుణించాడు
వేచివున్న తలపులు వాకిటి తలుపులలోనే వేలాడుతూ ఉరి వేసుకున్నాయి