ఆమె తిరిగొచ్చింది
చేతులు విరిగాయని కొందరంటున్నారు
కొత్తగా రెక్కలోచ్చాయని మరికొందరంటున్నారు.
అక్షరాలతో ఆడుకునేదేగా అని పలకరించబోయాడొకడు
ఆయుధం పట్టిన సంగతి అర్దమవ్వలేదేమో మరి
ఆమె నిజంగానే తిరిగొచ్చింది
కాలువలు గట్టిన తన కన్నీటి సుడిగుండాల్లో
కొట్టుకుపోతుందనుకున్నారు అందరు.
ఎలా వచ్చిందో, ఎందుకొచ్చిందో అర్ధంకాక
ఆమె వేస్తున్న ప్రతీకార లెక్కల్లో
ఎవరి వంతు ఎప్పుడొస్తుందో అనుకుంటూ
వాళ్ళ వాళ్ళ పాపాల లెక్కల్ని బేరుజు వేస్తున్నారు.
ఈ వరుసలో ఎవరు ముందున్నారో మరి ?
వరుసలో ఎవరు ఎక్కడ వున్నా
వేయబోయే శిక్షలో మార్పులేదు.
కోపంతో ఎరుపెక్కిన కళ్ళను
నల్లటి కళ్ళద్దాలతో కప్పేసింది.
నిన్నటి ఆమెలో వున్న భయం బాధ
ఈరోజు వెతికినా కనబడడం లేదు.
ఆమె తిరిగొచ్చింది
ఆమె తన గతానికి సమాధానం చెప్పడానికి వచ్చింది
రేపటికి స్వాగతం చెప్పడానికి వచ్చింది
@Lakshmi
No comments:
Post a Comment