మాది పొనుగుపాడు

మాది పొనుగుపాడు
మళ్లీ చెప్తున్నా ... మావూరు పొనుగుపాడు ..
నేను పుట్టి పెరిగిన ఊరు
నాకు
కష్టాలు చూపించిన ఊరు
ఇష్టాలను పెంచిన ఊరు
కష్టపడి ఇష్టాన్ని దక్కించుకునే
కసిని నేర్పిన ఊరు
ఇక్కడే
నేను సెలయేటి నీళ్ళతో ఆడాను
గట్లు తెంచుకున్న వరదలో ఈదాను
ఇక్కడే
నేను వేప చెట్ల నీడలో సేద తీరాను .
ఎర్రటి ఎండలో కూలిపనులకు పోయాను
ఇక్కడే
నేను మధురమైన ప్రేమను పొందాను
కపట మనసుల మోసాలకు బలయ్యాను
ఇక్కడే
నేను నా మనసుని ఆస్వాదించాను
నా అంతరాత్మను అనుభూతి చెందాను
ఇక్కడే
నా అనుభవాలు అక్షరాలుగా మార్చగల
పరిజ్ఞానం పొందింది
ఇక్కడే
అక్షరజ్ఞానాన్ని అనుభూతులుగా మార్చుకోగల
పరిణితి చెందింది
.
.
మాది పొనుగుపాడు
మళ్లీ చెప్తున్నా ... మావూరు పొనుగుపాడు ..
.
బంధాల విలువలను
పాఠాలుగా నేర్పగలదు
గుణపాఠాలతోనూ నేర్పగలదు.
.
@Lakshmi