కన్నీళ్లకు కన్నీళ్లు

ఎన్నిసార్లు అలిగినా గడపదాటనివ్వని స్వార్థం నాది
వాటి ఉనికిని కూడా ప్రపంచానికి చూపించడం ఇష్టం లేక
నా చేతులతోనే వాటిని వాకిట్లోనే చిదిమేసే క్రూరత్వం నాది
.
అంత కష్టపడి.. పుట్టిన ప్రతిసారి కడతేరుస్తున్నా ...
ఏమరపాటుగా ఉన్నప్పుడు
గోడదూకి పారిపోయే ప్రయత్నంలో
నా చేతికి చిక్కి గుప్పిట్లో నలిగిపోతాయి
ఎవరన్నా చూస్తారేమో అని తలుపులు మూసుకుని
తలపులని తరుముతున్నా....
మరపుకు రానివ్వను .. మెలకువ రానివ్వను
ఆగలేక తొంగిచూసిన మరుక్షణంలోనే
పైటకొంగుకి ఉరితీయబడతాయి
.
@Lakshmi