Monday, January 23, 2017

సముద్రపు కన్నీళ్లు

++++++++++++++
కళ్ళకు తెలియని చూపులు
వేళ్ళకు తెలియని రాతలు 
పెదవికి తెలియని పిలుపులు
పుట్టుకేలేని ప్రేమకి విరహదాహాలు
ఎదురుకాని మనిషికోసం
ఏళ్లతరబడి ఎదురుచూపులు
కన్నీళ్లు లేవు కలహాలు లేవు ..
చివరికి కౌగిలింతలూ లేవు 
ప్రణయపు ప్రయాణాలకు
పలకరింపులే గాని గమ్యాలు లేవు
.
ఊరి పొలిమేర్లవరకు వెళ్లొచ్చే చూపులు
ఎన్ని వేల సార్లు ఓడిపోయాయో 
ఈ తొలిచూపుకు నోచుకోని ఎదురుచూపులకు
ఏ పైరగాలి ప్రశ్న జవాబుగా మారుతుందో
ఏ అలలో చిక్కిన కల నిజమవుతుందో...
.
ఇన్నాళ్లు కనపడని కన్నీళ్ల ఆనవాళ్లు
నిన్న నన్ను తడిపి ఏడ్చేసాయి
ఓదార్పు ఇవ్వలేని నేను
నేనే సంద్రాన్నై ఆ కలల అలలను మింగేసాను
@Lakshmi

1 comment:

  1. చాలా బాగా రాసారు. కృతఙ్ఞతలు.

    ReplyDelete