ఏమీ తీసుకోనంటూనే
జ్ఞాపకాల బరువుని తీసేసుకుంది
పలకరించనంటూనే పరిచయాన్ని పెంచుకుంది
భయపెడుతూనే అక్కున చేర్చుకొని సంతోషాన్ని పంచింది
పీడకలలా మెలకువ తెచ్చి మధ్య రాత్రి వెన్నెలను చూపింది
వెన్నెల రాత్రి రాగాలను బంధించి గుప్పెట్లో పెట్టింది
రంగు వెలిసిన మల్లెలకు వాసనను అద్దింది
చీకటికి రంగులేసిన రాయుడిని రాత్రికి రాజుని చేసి
నన్ను రాణిగా రమ్మని పిలిచింది
కలగా దాచుకున్న క్షణాలను
క్షణంలో అనుభవాలుగా మార్చి సారెగా పెట్టింది
మళ్ళీ రమ్మంటూ మనసునిండా తన జ్ఞాపకాలను నింపింది
ఎరుపెక్కిన తూరుపుని
కుంకుమ బొట్టుగా దిద్ది
ఇంటి ఆడబిడ్డగా సాగనంపింది.
@Lakshmi
No comments:
Post a Comment