తూరుపు తీరపు ఎరుపుకోసం వెళుతున్నా

జీవితం ఇంత సులభంగా మలుపులు తిరుగుతందని తెలిస్తే
గతుకుల దగ్గర భయపడేదాన్ని కాదు
కంకర రాళ్ళను ఏరుకుంటూ ఆగిపోయేదాన్ని కాదు
కాలం ఎదురొచ్చి నడిచిపోయే నన్ను జాలిగా చూసే అవకాశం వచ్చేది కాదు
ఇప్పటికైనా పోయింది ఏం లేదు
పాదాలకు పదును పెట్టి పంజరాన్ని పగులగొట్టి
బంధీగా పడివున్న నాలోని నన్నునేనే విడుదల చేసుకొని
మరో మలుపు కోసం తూరుపు తీరపు ఎరుపుకోసం వెళుతున్నా .
నా నిన్నటి నీడ రాత్రి చీకటిలో కలిసిపోయింది
తనదైన రూపుతో కొత్త పొద్దుతో ఎదురొస్తుంది

@Lakshmi